-لما كنت بروح اكشف على صدرى كان الدكتور بيسألنى سؤال غريب أوى بالنسبالى انت بتدخن؟
هل انت مدخن؟
أرد عليه بكل فخر وأقوله لا يا دكتور مبدخنش!
يستغرب!! الدكتور ويندهش!! ويرد عليا
ازاى؟ كيف يابنى؟ أنت فى السن دا ورئتك بالشكل ده انت اكيد مدخن!
يا دكتور صدقنى انا عمرى ما حطيت سيجاره فى بوقى (فمى) هو انا لو بشرب دخان هكدب عليك ليه؟ والله ما بدخن يا دكتور!
الدكتور: مندهش!!
وتمر الايام والسنين وينور الله بصيرتى وأعرف السبب
-انا عرفت الجواب يا دكتور اللى بيتسألى من زمان دا من كل دكتور روحتله علشان مشاكل الجهاز التنفسي
الموضوع وما فيه يا دكتور ان:
- انا بدخن من غير ما احط السيجاره ف بوقى (فمى) بدخن علشان بقعد مع ناس مدخنين 💔 بقعد جمب ناس مدخنين بتحط فى مكان غصب عنى فيه مدخنين!!
- بدخن لكن مش برضاى يا دكتور بدخن غصب عنى 💔
- اللى بيشربوا دخان فى كل مكان ف العربيه (السيارة) فى أى وسيلة مواصلات دخان وفى المدرسه دخان وف الكليه (الجامعة) دخان سواء من الطلبة او الأمن او بعض من المعلمين (القدوات).
فى كل مكان يادكتور دخان فى كل مكان بتلاقى مدخنين دا حتى فى مره وأنا بمتحن فى عز مرض منتشر يسمى كورونا المراقب اللى واقف فى قلب اللجنه الخاصه بالإمتحان شايل الكمامة من على فمه وبيدخن!! ....
ولما تيجى تقول لواحد مدخن معلش بس لو سمحت إطفى السيجارة علشان الدخان تاعبنى ومعاك ناس مرضى ومعاك ناس مش طايقه رائحة الدخان ... يبصلك كأنك بتغلط فيه؟ يا اخى هو مين فين اللى صح انا ولا انت يا اخى اتق الله فينا كفايه انك مش بتتقى الله فى نفسك!!
وأستنى كدا لحظه أنت بتبصلى بقرف ليه؟؟ وانا بقولك بعد ازنك بس السيجاره دى لو سمحت اطفيها بكل أدب ولطف ... بتاخدك العزة ليه؟
طب أسمع بقا أنا هقولك بقا اتقى الله اه اتقى الله علشان لما تاخدك الجلالة والعزة كدا وتزعل تزعل براحتك ربنا قال: قال تعالى: وإذا قيل له اتق الله أخذته العزة بالإثم فحسبه جهنم ولبئس المهاد صدق الله العظيم
يا اخى اتق الله!! فى نفسك ثم فينا اقولك اتق الله فينا طالما انك مش هامك نفسك! مع إن نفسك مش ملكك هى ملك لله الخالق سبحانه ومع أن النبى قال المؤمن القوى خير من المؤمن الضعيف وانت بالتدخين بتضعف جسدك اه والمراد بالقوة كان يقصد بيها قوة البدن والإيمان.
وقال صلى الله عليه وسلم ايضا لا ضرر ولا ضرار وغيرها من الاحاديث أترك المجال لعلماء الدين وخاصته.
- رئتى تشكوا الى الله انا مش مسامح أى حد مدخن تسبب ف أذيتى دا إذا كان هو بيتحاسب على أذية نفسوا فمابالك بقا حمل وزر غيروا وهو فى عرض إنو يتخلص من ذنوب إدمانه.
قال تعالى وَلَيَحْمِلُنَّ أَثْقَالَهُمْ وَأَثْقَالًا مَّعَ أَثْقَالِهِمْ ۖ وَلَيُسْأَلُنَّ يَوْمَ الْقِيَامَةِ عَمَّا كَانُوا يَفْتَرُونَ صدق الله العظيم.
أه دا افتراء وأنا
اشكوا الى الله بثى وحزنى وأذيتى اشكوا الى الله ضعفى وهوانى على الناس أشكوا الى الله ظلم العباد لأنفسهم ولغيرهم
وفى الختام أوجهه سؤال لعلماء الدين والفقهاء ما حكم من يؤذى الناس بدخان سيجارته؟؟ وما حكم التدخين شرعاً وبالأدله مع الإكثار منها سواء كانت احاديث نبوية او ايات من الذكر الحكيم.
ومن الاطباء أطلب الأضرار الناتجة عن التدخين.
السؤال الثانى للأطباء والمعلمين ودكاترة الجامعات الخاصة بالتربية البدنيه وغيرها ورجال الدين والإعلام لماذا لا تكثفوا الحملات بالنسبة لأضرار التدخين؟ اليس هذا وباء قاتل يدمر الشباب!! الشباب الذين هم جزء من المجتمع وجزء مهم.
اذا وقع الشباب وقع المجتمع وأنتم بالطبع تريدون شباب أصحاء قادرون على تحمل مسؤلية أنفسهم وعائلتهم ووطنهم فلماذا نقصر فى واجبنا فى إبراز هذه المشكله والقضاء عليها!
ارجوا الرد!!
وأنا من موقعى هذا أخذت خطوة إيجابية نحو الإصلاح وما أريد خير الخير.
وأرجوا من الله القبول.
