مع التطور التكنولوجي اللي بنعيشه ودخول الدولة في موضوع التحول الرقمي، بقت المحافظ الإلكترونية منتشرة كبديل للدفع الكاش وكمان لتحويل الفلوس من غير ما تتعب نفسك وتروح البنك أو مكتب البريد، وأشهرها طبعًا فودافون كاش.
كود تحويل فلوس من فودافون كاش
هقولك دلوقتي كود تحويل فودافون كاش علشان تبعت فلوس لأي محفظة إلكترونية، وكمان هتعرف رسوم التحويل والسحب والحد الأقصى للتحويل، وده حسب آخر تحديثات أعلنتها الشركة.
أي حد يقدر يحول فلوس من فودافون كاش لأي محفظة في مصر حتى لو مش مشترك في الخدمة ومشترك في خدمة تابعة لشركة تانية زي أورانج كاش أو إتصالات كاش أو وي باي أو الأهلي كاش للبنك الأهلي المصري أو أي محفظة إلكترونية تابعة لبنك زي بنك مصر، وده بيكون عن طريق إنك تتصل بالكود ده: #7*9*، وتختار خدمة تحويل الفلوس، وتكتب رقم الموبايل اللي هتحول عليه، وبعدها المبلغ اللي عايز تحوله (بين 5 جنيه لـ 60 ألف جنيه) يعني الحد الأدنى للتحويل بيبدأ من 5ج مصري والحد الأقصى 60 ألف ج مصري، وفي الآخر هتكتب الرقم السري بتاعك وتدوس تحويل.
مثال، لتحويل 700 جنيه إلى رقم 010xxxxxxxx، أدخل: *9*7*الرقم*700#.
*9*7*رقم الهاتف*المبلغ المراد تحويله# ثم (تأكيد) وهتوصلك رسالة التحويل على الفون.
رسوم تحويل الفلوس والسحب عن طريق فودافون كاش
رسوم التحويل من فودافون كاش
لو هتحول لمحفظة فودافون كاش تانية، الرسوم جنيه واحد.
لو هتحول لأي محفظة غير فودافون كاش، الرسوم 0.5% من المبلغ، بس أقل حاجة جنيه واحد، وأقصى حاجة 15 جنيه.
وكمان أول عملية تحويل في الشهر بتكون ببلاش (لو المبلغ أقل من 2000 جنيه).
رسوم السحب من فودافون كاش
رسوم السحب 1% من المبلغ، وأقل حاجة 3 جنيه.
إيه هو كود تحويل فودافون كاش؟
كود تحويل Vodafone Cash الكود *9# (نجمة 9 شباك).
إزاي تبعت فلوس لحد من محفظة فودافون كاش بتاعتك؟
في كذا طريقة تقدر تبعت بيها فلوس من محفظتك لأي حد:
الطريقة الأولى: بالكود
- اطلب كود *9# من موبايلك واضغط اتصال.
- هتظهرلك قايمة، اختار منها "تحويل أموال".
- اكتب رقم الموبايل اللي عايز تبعتله الفلوس.
- اكتب المبلغ اللي عايز تبعته.
- اكتب الرقم السري بتاع محفظتك.
- راجع البيانات واضغط تأكيد.
- هتوصلك رسالة بتأكد إن الفلوس اتحولت.
وكمان تقدر تبعت بالكود المختصر اللي في أول المقال.
الطريقة التانية: من تطبيق أنا فودافون
- افتح تطبيق Ana Vodafone، ولو مش عندك نزّله من جوجل بلاي أو آب ستور.
- من الصفحة الرئيسية، اختار "فودافون كاش" أو "الخدمات المالية".
- اختار "تحويل أموال".
- اكتب رقم الموبايل اللي هتبعتله الفلوس.
- حدد المبلغ اللي عايز تبعته.
- اكتب الرقم السري لمحفظتك.
- أكد العملية وهتوصلك رسالة بتأكد إن الفلوس اتبعتت.
إيه هي أكواد فودافون كاش؟
فودافون وفرت شوية أكواد مخصوصة لخدمة Vodafone Cash، واللي الناس بتستخدمها علشان تعرف الرصيد، أو تعمل تحويل سريع، أو خدمات تانية، ومن الأكواد دي:
كود تحويل الفلوس لرقم تاني: *9*7 رقم الهاتف* المبلغ المراد تحويله#.
كود تعرف بيه رصيد فودافون كاش بتاعك: *9*13# (نجمة 9 نجمة 13 شباك).
كود تغير بيه الرقم السري للمحفظة: *9*12# (نجمة 9 نجمة 12 شباك) أو2.
كود تعرف بيه آخر عملية تحويل عملتها: *9*500# (نجمة 9 نجمة 500 شباك).
إزاي أستلف فلوس من فودافون كاش؟
في ناس كتير من عملاء فودافون بيدوروا على طريقة يستلفوا بيها فلوس من فودافون كاش، بس للأسف الخدمة دي مش موجودة، يعني مش هتقدر تستلف فلوس من فودافون كاش.
كود تحويل فودافون كاش من الـATM
لو عايز تسحب أو تحط فلوس في محفظة فودافون كاش بتاعتك من ماكينة ATM زي بتاعة البنك الأهلي أو بنك مصر أو بنك إسكندرية، استخدم الكود ده: *9*22#.
بعد كده امشي ورا التعليمات اللي هتظهرلك، وحدد المبلغ اللي عايز تسحبه أو تودعه، وهيوصلك رمز OTP (الرقم السري المؤقت) علشان تكمل العملية من على الماكينة.
بالنسبة لرسوم السحب، هي 1% من المبلغ، وأقل حاجة 3 جنيه، أما الإيداع فممكن يكون مجاني من بعض الماكينات أو من فروع فودافون.
كود تحويل فودافون كاش لفيزا
تقدر تحوّل فلوس من محفظة فودافون كاش بتاعتك لفيزا افتراضية (ماستر كارد) شغالة لمدة 24 ساعة ومجانًا، ودي تقدر تشتري بيها أونلاين جوه مصر أو بره مصر. فيه طريقتين عشان تطلع ماستر كارد فودافون كاش:
الطريقة الأولى:
- استخدم الكود ده على طول: "نجمة 9 نجمة 100 شباك"
- هتكتب المبلغ اللي عايز تعمل بيه الفيزا
- وبعدين تدخل الرقم السري بتاع محفظتك
- والخدمة دي ببلاش.
الطريقة التانية:
- اطلب كود *9#
- واختار رقم 3 اللي هو الدفع أونلاين
- اكتب المبلغ اللي هتستخدمه في الفيزا
- وبعدين دخل الرقم السري عشان تأكد العملية
وبكده تقدر تستخدم الفيزا دي في أي عملية شراء أونلاين بكل سهولة.
تحويل الفلوس على محفظتك بكود الQR الجديد من على تطبيق Ana Vodafone ممكن تطبعه او تشارك الكود او تبعت لينك للتحويل.
الحدود القصوى لمعاملات فودافون كاش
الحد الأقصى اللي تقدر تتعامل بيه في اليوم: 60,000 جنيه
الحد الأقصى في الشهر: 200,000 جنيه
أقصى مبلغ تقدر تحطه أو يكون موجود في المحفظة بتاعتك: 100,000 جنيه
الحدود دي بتديك حرية كبيرة إنك تحوّل فلوس وتدفع فواتيرك من غير ما تحتاج تشيل كاش كتير معاك.
إزاي تفتح محفظة فودافون كاش؟
في طريقتين سهلين تقدر تفتح بيهم محفظة فودافون كاش على موبايلك:
1- تروح لأقرب فرع فودافون وتقول للموظف إنك عايز تفتح محفظة على خطك، بس لازم يكون الخط متسجل باسمك، ومعاك بطاقتك.
2- ولو أنت بتعرف تتعامل مع الموبايل كويس، تقدر تفتح المحفظة وإنت قاعد في البيت، وده عن طريق الخطوات دي:
اطلب الكود ده: *9#
سجل الرقم القومي بتاع بطاقتك اللي متسجل في الشركة.
هيطلب منك تعمل رقم سري للمحفظة، اختار رقم سري محدش يعرفه غيرك، عشان أمانك.
وكده تكون عملت محفظة إلكترونية على موبايلك وتقدر تستخدم كل خدماتها. خد بالك بس لو فتحت المحفظة من البيت، هتشتغل معاك 3 شهور بس، وبعد كده لازم تروح الفرع تأكد بياناتك عشان تفضل شغالة معاك على طول.
وفي الآخر، تابعنا دايمًا علشان تعرف أحدث أكواد ورسوم فودافون كاش وكل جديد في عالم المحافظ الإلكترونية.